जिल्ह्यातील सुशिक्षित नोकरी इच्छूक उमेदवारांसाठी बुधवारी रोजगार मेळाव्याचे आयोजन

हिंगोली(जिमाका), दि. 06 : जिल्हा कौशल्य विकास, रोजगार व उद्योजकता मार्गदर्शन केंद्र, मॉडेल कॅरिअर सेंटर व शासकीय औद्योगिक प्रशिक्षण संस्था यांच्या संयुक्त विद्यमाने हिंगोली जिल्ह्यातील नोकरी इच्छुक उमेदवारांना रोजगाराच्या संधी उपलब्ध होण्याच्या दृष्टीने शासकीय हिंगोली येथील औद्योगिक प्रशिक्षण संस्थेमध्ये बुधवार, दि. 8 ऑक्टोबर, 2025 रोजी प्लेसमेंट ड्राईव्ह / रोजगार मेळाव्याचे आयोजन करण्यात आले आहे. या रोजगार मेळावामध्ये निपुन स्कील मल्टीसर्व्हीसेस छत्रपती संभाजीनगर, चैतन्या इंडिया फायनांन्स लि. हिंगोली, भारतीय जीवन विमा निगम हिंगोली या कंपन्या सहभाग घेणार आहेत. जिल्ह्यातील नोकरी इच्छुक उमेदवारांनी दहावी, बारावी, आयटीआय, डिप्लोमा, पदवी, पदवीधर या शैक्षणिक कागदपत्राच्या झेरॉक्स प्रती व बायोडाटासह स्वतः हिंगोली येथील शासकीय औद्योगिक प्रशिक्षण संस्था (आयटीय) येथे दि. 8 ऑक्टोबर, 2025 रोजी सकाळी 10 वाजता स्वखर्चाने उपस्थित रहावे. या रोजगार मेळाव्याच्या अधिक माहितीकरिता 02456-224574 या दूरध्वनी क्रमांकावर संपर्क करावा, असे आवाहन जिल्हा कौशल्य विकास, रोजगार व उद्योजकता कार्यालयाचे सहायक आयुक्त बा. सु. मरे यांनी केले आहे. *****