दीनदयाळ स्पर्श फिलाटेली शिष्यवृत्तीसाठी 10 सप्टेंबरपर्यंत अर्ज आमंत्रित

हिंगोली (जिमाका), दि.29 : परभणी डाक विभागातर्फे दीनदयाळ स्पर्श फिलाटेली शिष्यवृत्ती योजना स्पर्धा 2025-26 चे आयोजन करण्यात आले आहे. या स्पर्धेसाठी आता 10 सप्टेंबरपर्यंत अर्ज करता येणार आहेत. परभणी डाक विभागांतर्गत येणाऱ्या परभणी, हिंगोली आणि जालना जिल्ह्यातील जास्तीत जास्त शाळांनी याची नोंद घ्यावी, असे आवाहन डाक अधीक्षक सतीश पाठक यांनी केले आहे. गेल्या 2 वर्षांमध्ये परभणी डाक विभागामध्ये 11 विद्यार्थ्यांनी ही शिष्यवृत्ती पटकावलेली आहे. यावर्षीही दीनदयाळ स्पर्श फिलाटेली शिष्यवृत्ती योजना 2025-26 स्पर्धा परीक्षेमध्ये सर्व शाळांनी सहभाग नोंदवून आपल्या शाळेतील जास्तीत जास्त विद्यार्थ्यांना भारतीय डाक विभागाची शिष्यवृत्ती पटकावण्याची संधी द्यावी, असे आवाहन डाक अधीक्षक सतीश पाठक यांनी केले आहे. अधिक माहितीसाठी सहायक डाक अधीक्षक (मुख्यालय) पवन मोरे, कार्यालयीन सहायक श्रीपाद कुंभारकर यांच्याशी संपर्क साधावा, असे आवाहन परभणी डाक विभागामार्फत करण्यात आले आहे. *****