राष्ट्रीय लोकन्यायालयाचे 13 सप्टेंबर रोजी आयोजन

हिंगोली (जिमाका), दि. 21 : येथील जिल्हा व सत्र न्यायालयात तालुका विधी सेवा समिती व वकील संघाच्या संयुक्त विद्यमाने दिनांक 13 सप्टेंबर रोजी सकाळी 10.30 वाजता जिल्हा न्यायालयाच्या प्रांगणात राष्ट्रीय लोकन्यायालयाचे आयोजन करण्यात आले आहे. या राष्ट्रीय लोकन्यायालयामध्ये बँक, ग्रामपंचायत, नगर परिषद यांचे वाद दाखलपूर्व प्रकरणे हे तडजोडीच्या आधारे निकाली काढण्यात येणार आहे. या राष्ट्रीय लोकन्यायालयामध्ये सर्व विधिज्ञांनी जास्तीत जास्त प्रकरणे ठेवून तडजोड करुन निकाली काढावीत, असे आवाहन तालुका विधी सेवा समितीचे अध्यक्ष तथा प्रमुख जिल्हा न्यायाधीश टी. एस. अकाली, वकील संघाचे अध्यक्ष ॲड. एस. आर. भुक्तार यांनी केले आहे. *****