हिंगोली जिल्हा परिषद, पंचायत समिती निवडणुकीसाठी प्रारूप प्रभाग रचना जाहीर ▪ हरकती व सूचना 21 जुलैपर्यंत सादर करता येणार

हिंगोली (जिमाका), दि. १४ : जिल्ह्यातील हिंगोली जिल्हा परिषद व पंचायत समितीच्या आगामी सार्वत्रिक निवडणुकीसाठी त्या जिल्हा परिषद क्षेत्रातील निवडणूक विभागाची व पंचायत समित्यांमधील निर्वाचक गणांच्या प्रभाग रचनेचा कार्यक्रम जाहीर करण्यात आला आहे. त्यानुसार सोमवार, १४ जुलै २०२५ रोजी प्रारूप प्रभाग रचनेची अधिसूचना प्रसिद्ध करण्यात आली आहे. हिंगोली जिल्ह्यातील जिल्हाधिकारी कार्यालय, जिल्हा परिषद कार्यालय, सर्व उपविभागीय कार्यालये, तहसील कार्यालये आणि पंचायत समिती कार्यालयांतील फलकांवर प्रारूप प्रभाग रचना प्रसिद्ध करण्यात आली आहे. या प्रारूप प्रभाग रचनेवर हरकती व सूचना असल्यास, त्या २१ जुलै २०२५ या कालावधीत हिंगोली जिल्हाधिकारी कार्यालयातील ग्रामपंचायत निवडणूक शाखेत सादर करता येतील. सर्व संबंधितांनी प्रारूप प्रभाग रचनेचे अवलोकन करून हरकती व सूचना सादर करण्याचे आवाहन जिल्हाधिकारी राहुल गुप्ता यांनी केले आहे. *****