हिंगोली (जिमाका), दि. 14 : औंढा नागनाथ तालुक्यातील कंजारा येथील जिल्हा परिषद प्राशालेत चाईल्ड हेल्पलाईन 1098 कक्षाकडून बालकांशी निगडीत विविध विषयावर जनजागृती कार्यक्रम घेण्यात आला.
यावेळी बाल विवाह म्हणजे काय, विवाहाचे योग्य वय, बाल विवाहाची कारणे, दुष्परिणाम याची माहिती देण्यात आली. बाल विवाह प्रतिबंधक अधिनियम, 2006 नुसार विवाह बेकायदा ठरतात आणि या विरोधात गुन्हा नोंदविला जाणे अपेक्षीत आहे व अशा गुन्ह्यास एक लाख रुपये दंड व दोन वर्षे सक्त मजुरीची शिक्षा आहे. या कायद्याच्या अंमलबजावणीसाठी ग्रामीण भागासाठी ग्रामसेवक आणि शहरी भागासाठी बाल विकास प्रकल्प अधिकारी यांना बाल विवाह प्रतिबंधक अधिकारी नियुक्त करण्यात आलेले आहेत. तसेच ग्रामस्तरावर ग्राम बाल संरक्षण समिती स्थापन करण्यात आली आहे. या समितीचे अध्यक्ष सरपंच व सदस्य सचिव अंगणवाडो सेविका आहेत. या सर्वांनी आपापल्या कार्यक्षेत्रात बालविवाह होणार नाहीत, याबाबत योग्य ती खबरदारी घ्यावी. तसेच मुलांच्या वयाची 18 वर्ष व मुलाच्या वयाची 21 वर्ष पूर्ण होण्याच्या आगोदर लग्न करणे हा कायद्याने गुन्हा असल्याची माहिती चाईल्ड हेल्पलाईनचे प्रकल्प समन्वयक संदीप कोल्हे यांनी दिली.
समुपदेशक अंकुर पाटोडे यांनी आपल्या सभोवताली बालविवाह होत असल्यास चाईल्ड हेल्पलाईन 1098 या टोल फ्री क्रमांकावर माहिती द्यावी. ही बालकाला तात्काळ मदत करणारी हेल्पलाईन आहे. 1098 या टोल फ्री क्रमांकावर मिळालेली माहिती गोपनीय असते. बालकाला मदतीची गरज असल्यास, सापडलेले, हरवलेले, किंवा अडचणीत असलेले बालक किंवा एखाद्या बालकास शैक्षणिक अडचण असलेल्या बालकासाठी विविध योजनाची माहिती देण्यात आली. तसेच यावेळी 1098 या टोल फ्री क्रमाकांवर संपर्क साधावा. बालक म्हणजे काय, बालकाचे हक्क व अधिकार याबाबत तसेच बालकांवर होणारे अन्याय अत्याचार थांबविण्यासाठी समुदायातील लोकांनी पुढाकार घ्यावा, असे सांगितले. बालविवाह निर्मूलन अधिनियम 2006 या कायद्याची अंमलबजावणी होण्यासाठी शालेय विद्यार्थ्यांकडून बालविवाह जनजागृती बाबत प्रतिज्ञा देऊन बालकांना चांगला स्पर्श, वाईट स्पर्शबाबतची माहिती चाईल्ड हेल्पलाईनचे केस वर्कर सुरज इंगळे यांनी दिली.
या कार्यक्रमास शाळेचे मुख्याध्यापक एस. झेड. कुकडे, व्ही. यु. हलगे, एस.बी. खरात, ए.ए.जैस्वाल, आर. बी. लडके, शिक्षकवृंद आणि विद्यार्थी मोठ्या प्रमाणात उपस्थित होते.
*****
No comments:
Post a Comment