औंढा नागनाथ तालुक्यातील युवक व युवतीसाठी बेकरी उत्पादनाचे मोफत प्रशिक्षण • अनुसूचित जमाती प्रवर्गातील इच्छुकांनी 21 जुलैपर्यंत नाव नोंदणी करावी

हिंगोली (जिमाका), दि. 16 : येथील जिल्हा उद्योग केंद्र व महाराष्ट्र उद्योजकता विकास केंद्राच्या वतीने औंढा नागनाथ तालुक्यातील अनुसूचित जमाती प्रवर्गातील युवक, युवतीसाठी बेकरी उत्पादन या विषयावर मोफत प्रशिक्षणाचे आयोजन करण्यात आले आहे. यासाठी उमेदवार हा किमान आठवी पास असावा, त्याचे वय 18 ते 45 वर्षादरम्यान असावे. तसेच आधार कार्ड, तीन पासपोर्ट फोटो, टीसी, जातीचे प्रमाणपत्र, बँक पासबूक जमा करुन आपली नाव नोंदणी दि. 21 जुलै, 2025 पर्यंत करावी. नाव नोंदणीसाठी व अधिक माहितीसाठी आयोजक सुभाष बोरकर महाराष्ट्र उद्योजकता विकास केंद्र, द्वारा जिल्हा उद्योग केंद्र, एस-12, प्रशासकीय इमारत, जिल्हाधिकारी कार्यालय, हिंगोली येथे संपर्क साधावा, असे आवाहन जिल्हा उद्योग केंद्राचे महाव्यवस्थापक अनिल कदम व महाराष्ट्र उद्योजकता विकास केंद्राचे प्रकल्प अधिकारी सुधीर आठवले यांनी केले आहे. *****